blog.chlehmann.ch

Naja, mit “Glück u Xundheit” isch nüt gsi, dr Titu vom neue Patänt Ochsner Aubum faut ä chli spezieller uus, aus agnoo. Aber nach öppe 3 mau lose muesi säge, äs cha definitiv guet mit de bisshärige Aube mithaute. D’Lieder si vo Kultverdächtig (Globetrotter), über melancholisch/trurig (18 Gramm, Blue September und Hapy) bis chli blöd (Wie dr Name seit: gruusigs Lied).

Dr Aubumtitu het dr Frederico Fellini am Büne im Troum verzeut, so seiters ömu ide Interviews. Augemein sige viu vode Lieder so entstange. I wett i würd so kreativ tröime

Uf au Fäu fröie ig mi mega uf z’Konzärt am 30. Oktober ir Mühli Hunzike. Äs wird sicher widermau ä geniale Aabe! U bis denn loufe die 16 Lieder vor neue CD sicher no z einte oder z angere Mau!

Gester Aabe hani die spontani Idee gha, i chönnt doch chli ga Langziitufnahme mache. Eifach chli use id Nacht, ga luege was drbii so usechunnt. Mit Kamera, Stativ und Fernuslöser usgrüstet bini richtig Bärn gfahre, u ha parne Orte aghaute. dr Räste vom Biitrag läse »

Hmm, grad im Momänt ke Ahnig was schribe. Louft grad nid so dr’Huufe… U über mis längwiilige Autagsläbe mani eigentlech o nid schriibe, süsch gits wider irgendwelchi lustigi Lüütli wo blödi Sprüch mache… aber was söus? Isch äs Blog, wäns interessiert cha läse, u wärs blöd fingt söus lasi…