blog.chlehmann.ch

Würum dasi z Berlin bi gsi? Us bruefleche Gründ! Aware, dr US-Härsteuer vo MusicMaster het in Berlin vor versammlete Musig-Redakteure us dr Schwiiz und Dütschland über ihres Produkt gredt. Äs isch mega spannend gsi, ha viu glehrt!

U o näbem bruefleche Teil isches super gsi! Vo Berlin hani zwar nume z Hotäu gseh, drfür isch das rächt iidrücklech gsi (ömu für mis Empfinde )

Diashow

Grundsätzlech wär ig ja hüt vo 5 Täg Paris zrügcho. Wüu das aber aues ä chli angers glofe isch, bini hüt haut ä chli ga d Sou usela z Läbe gniesse. Ig bi mit der Sime – im Sinn vo super Kollege! – i Europapark!

Dank schlächtem, aber trochnigem Wätter het me nid müesse astah, u dämentsprächennd isch od Stimmig gsi: Super! Fägt wenn me öpper het, zum so Sache ungernä!

Die nächste 3 Täg verbringeni – Brueflech – z Berlin, dadrzue speter meh!

take off from Airport Blumenthal.

Bi hüt äs Stündli ga flüge! Isch wunderbars Flugwätter gsi, d Thermik het gstumme, und dr Schnee o . Würum Schnee? Mit Ski unger am Flüger chame o mau näbere ApreSki Bar lande u eis ga zieh

Hie äs Par Iidrück vo däm Flug. D Biudli si leider nid soooo toll worde, ufgrund vom liecht miuchige Plexiglas… Dennnoch äs schöns Erläbniss!

Gallery

Das isch nid dr letscht Flug gsi das Jahr, ig ha no ä Stung z’Guet… I freue mi!

Ha hüt per Mail äs seeeeeeehr cools Video übercho Walliserdüütsch isch scho ä schöni Sprach

I däm Sinn, ässet Banane!

Das isch eigentlech äs Wort, wo mini chlini Schwo für aues u jedes Dingeli brucht… Dasmau bruche igs aber: Göht mau hie chli ga umeblettere. Isch würklech zum Teu sehr lustig, wases da für Biudli het…

Häbets guet!