blog.chlehmann.ch

No 7 Täg i eim Chutt, u när isch dr WK 2008 düre! Letscht Wuche isch fougendes passiert:

• 618 Siite vo “Sakrileg” (Dan Brown) si i 3 Täg gläse gsii
• D’MP het zwe Kollege uf der Wach bim Schlafe verwütscht –> chönnt tüür wärde!
• dr Thunersee isch ä Supersach wenns heiss isch wine Moore (u wenn z’Gah verbotte isch no viu meh )

Afa tueni morn wider mit Fahre, am Sunnti am haubi 6i faht ä wiiteri Wacht-Session a, u abem Zistig gits äue nomau äs par Fahrufträg. Grundsätzlech chame nid chlage, aber wie scho gseit, d’Wach schlaht rächt uf d’Verfassig. Ömu uf die Körperlechi. Ig bi gester froh gsi, 17h imene richtige Bett chönne z schlafe!

Ah, langsam fahts afa ahänke. Hocke widermau uf dr wach, Schlaf gits ersch morn Morge am 0800. Hoffentlech blibt ömu z’Wätter schön! Mis eigete Bett gsehni am Mittwuch wider,u i bi ungloublech froh. Ir ZSA isches mega äng und abgstange… Aber grundsätzlech isches erträglech, wirde o die letschte Wuche überstah Guet Nacht zäme, lötnech nid vor MP verwütsche

Mini ersti “Wuche” im WK isch düre. U z erste “Wucheändi” leider o scho fasch!

I has natürlech super troffe: Die beide Freitäg hani mitz ir Wuche, denn wenn am Abe niemer Ziit het, öppis z mache, u denn wos sicher o keni Festli git! U o dr Job isch bis jetz meh aus ernüchternd gsi: 6h Schlaf, 2h Pikett, 4h Fz-Wach, 4h ZuKo, 2h Pikett. Dä Tournus während 48h immer wider. Ab morn darfi de chli fahre, genau 2 Täg, u när geits wider i Wacht-Dienst.

D’Lüüt si ir Ornig, z’Ässe o! Mitem Job und der Unterkunft hani chli Müeh, aber äs isch äbe haut Militär!

dr Räste vom Biitrag läse »

Ás isch nidmau so schlim winimers vorgsteut ha. Aber haut glich nid wie Ziviuläbe… Mir hei afa Zügs gfasset, si Army-like viu umegstange, u si sogar zumene Bierli cho. Positiv überrascht bini vom junge Kadi (Jg 81) wo churzerhand duzis gmacht het! Chapeau! Dr Fäudi würkt wiitus militärischer, aber das wird sech zeige. So, time2sleep, git öppe ä länge Wach-Tag morn… P.s. Nach dr erste Nacht: d Näster si dr Tod!

No 12 Stung Ziviuläbe, u när geits ab ufz Fäud. Drei Wuche Militärdienst, im Grad vom Soudat und ir Funktion vom Motorfahrer.

Ganz ehrlech? I ha schiss vor däm WK. Mini RS het z’Biud vor Armee nid grad guet gmacht, und mi aus Mönsch nid würklech wiiterbracht. Wie söu de das amene WK sii? Ufem Zettu steit Euro ’08, aber ig gloube no nid so rächt dra. D’Euro isch ja sowieso scho fasch düre.

Naja, mache chani jetz nüme. Äs blibt nüme angers übrig aus ga ineluege, dürebiise, u hoffe dases wird, wie aui Lüüt verzeue: Ä lockeri Sach.

We irgendöpper Lust hätt, mit mir oldschool-Post-mässig mit mir Kontakt ufznä, de darfem das uf au fäu:

Sdt Christian Lehmann
HQ Tm Kp 23/5 (B)
Militär 91146

Häbets guet liebi Lüüt!

Wenn ä Gruppe vo junge Manne am Samstig Namitag ufere Gummibootfahrt kenteret, u eine drvo stirbt, de isch das tragisch.

Wenn aber die glichi Gruppe am Donnstig Namitag “im Name vom Vaterland”, u gar nid Freiwiuig bir gliche Aktivität ä Unfau het, und Lüüt drbi um’z Läbe chöme, de isch das eifach nume unnötig und und unvorsteubar. Äs darf nid sii, das jungi Manne wo mitz, oder no fasch am Afang vo ihrem Läbe stö, im Militär stärbe. dr Räste vom Biitrag läse »