Mind the gap

7 September 2008, 9:47Augemein, Job | No Comments »

So,  no par Stung, u när chani ar verrägnete u näblige Schwiiz dr Rügge chere, u gah iz no viu schlimmere schöne London.

I mues dört ga schaffe, aber scho älei d’Tatsach dases uf London geit bedüdet nid würklech “müesse”. Vo dene Stedt woni bis jetz gseh ha, isch London mit Abstand mini Lieblingsstadt. U i cha nidmau beschriibe würum eigentlech. Eifach die ganzi Stimmig, d’Lüüt, z guete Bier :P .

I däm Sinn: God save the queen, mind the gap und föht d Wuche guet aa!

Vista

28 July 2008, 11:18Job | No Comments »

*grmpf*! Scho z’zwöite Mau sit drei Mönet louft mini Vista-Installation ufem Laptop nüme. Är het ke lust z’Starte, ud Widerhärstellig funktioniert o nid. Langsam längts mer. I wirde äue wider uf XP umsteue. Das isch wenigstens nid sones Pöteterli gsi, wie das müehsame, langsame und instabile Vista!

Dr haub Tag isch verlore wäge däm blöde Seich! Fägt nid, nach de Ferie so azfah. I hoffe mau dr Räste vor Wuche wärd wenigstens besser!

Wünsche ä bessere Start id Wuche aus ig ne ha gha! Gniesset z’Wätter!

Remember!

3 June 2008, 20:03erläbt, Job | 1 Comment »

Bringet doch de User bii, dases weder mit Ornig no Schönheit ztüe het, wenn me äs Umeligends, iigsteckts Netzwärkkabu mitem angere Ändi i die zwöiti Dose steckt…

U was het me när drvo? Broadcast-Radiation oder o Broadcast-Sturm :-)

Henu, 2.5h speter isch z’Problem und dr Schudig gfunge gsi, und d’Wäut wider ir Ornig ;)

Löse tuet mes übrigens, idäm me ufem Switch z Spanning-Tree Protokou aktiviert.

rocki’n helpdesk

6 May 2008, 7:34Job | No Comments »

Für ä chli Schwung i Tag z brcho ;) :

Have a nice day, enjoy this weather!!!!

Berlin

27 April 2008, 19:41erläbt, Job | No Comments »

Würum dasi z Berlin bi gsi? Us bruefleche Gründ! Aware, dr US-Härsteuer vo MusicMaster het in Berlin vor versammlete Musig-Redakteure us dr Schwiiz und Dütschland über ihres Produkt gredt. Äs isch mega spannend gsi, ha viu glehrt!

U o näbem bruefleche Teil isches super gsi! Vo Berlin hani zwar nume z Hotäu gseh, drfür isch das rächt iidrücklech gsi (ömu für mis Empfinde ;) )

Arbeitszügnis

18 March 2008, 22:49Job | No Comments »

Cooli Sach! I gloub äs bessers Arbeitszügniss aus das wo hüt ir Post isch gsi chönnti äue gar nid übercho:

Ciao Chrigu
Kleines Präsentchen aus der Zentrale – auch als kleines Merci für Deinen unglaublichen Einsatz schon in den ersten Wochen bei uns!
Lieber Gruss, Ebi

dr Räste vom Biitrag läse »

toooood…

7 March 2008, 22:04Job | No Comments »

…müed! Nachere 52 Stundewuche, emene Tag wo 12.5h läng isch gsi bini jetz uuuuu müed! Aus Informatiker isch me sech nid gwöhnt, dr ganz Tag z stah, umezloufe, u ke Pouse z mache. U deprimierend isches de no, wenn eim nüt glingt!

Was der Job ageit, äs isch – wie gseit – uuu sträng! Aber äs isch interessant u spannend! Wenn o geng no mitem einte oder angere Problemli z kämpfe isch, äs wird langsam, das Radio 1. Dr Chef isch happy, u freut sech henne uf sis Radio. Isch doch super!

Auso, i ga mau ga schlafe. Bi älei, u wasi no sött, das mani nid… Isch ja öppe geng so ;)

Schöns Weekend auersiits!

Schlüssuübergab

27 February 2008, 21:17Job | No Comments »

Cooli Sach: Ha hüt mi persönlech Starbucks Budeschlüssu übercho. Morn und am Fritig wird züglet, u abem 1. März 2008 luutet mini neui Firme-Adrässe Waaghausgasse 18, 3011 Bern. Das heisst, oberhaub vom Kaffehuus Starbucks! Fägt!

Faus mau öpper Lust het, mit mir äs z’nüni z nä, söu doch ä Funk gä: 078 696 90 90

Hmm…

13 February 2008, 21:13Job | 5 Comments »

Gits ke Müglechkeit, Gäut z verdiene, ohni öppis z mache? Jetz mau abgseh vo so zwieliechtige Jobs wie Zuähäuterei und Kunst-Dieb (obwou…, würum nid?).

I hocke sitt am 9i ohni Ungerbrächig z’Luzärn, u äs geit eifach nüt. NÜT!!! I ha mir dä Job bim ungerschriibe vom Vertrag no grad ä chli angers vorgseut. Nach mire Vorstellig wäri jetz nämlech bir Fründin ufem Canape, hätt d Füess dobe, u würd irgend ä blödi Fernsehsändig luege. Aber nei.

U wenn mer de jetz viiiiiiiillech de mau fertig wärde, heissts no 1h20 heifahre. SUUUUPER. I rege mi ja nid ä chli uf.

Gniesset dr Füürabe, dir plöischler!!!

Jobvermittlig mau angers

31 January 2008, 19:57Job | No Comments »

Hani äch ar Sekretärin gfaue, ghöreni id Kategorie “Grüenschnabu” (dä brucht Ungerstützig), oder mache si äch das bi jedem vo ihrne Chunde?

Ig ha hüt vo mire Job-Agentur p3b äs Päckli übercho. Inhaut: Champagner, Redbull, Tee, Schoggi und Dextroenergen. Imene – vo Hang gschribene – Chärtli schribesi:

Lieber Herr Lehmann
Das p3b-Team wünscht Ihnen einen super Start bei der SMP AG!
Wir hoffen, dass der neue Job all das bieten wird, was Sie sich davon versprechen. Die Survival-Box kann Ihnen als Unterstützung in hektischen Zeiten dienen. z.B. ein Energiedrink für Power, ein Dextro-Engergen für schnelle Energie oder ein Entspannungstee nach einem Arbeitstag.
Alles Gute

dr Räste vom Biitrag läse »

« Euteri Iiträg