blog.chlehmann.ch

Ir Sunntigsziitig isch hüt gstange, d’euro-WKs sige ferielager. I chas ufne Art sehr verstah! Was o augemein bekannt isch, isch d’Sinnlosigkeit vo gwüsse Ufträg. So passiert am Samstig. I ha ä Fahruftrag gha, z’Bärn äs par Flachbischirme z transportiere. Dört acho heimer erfahre, dass dä Uftrag no -chli- meh beinhautet U zwar het ä Töggelichaste vo Bärn uf Winterthur müesse gfahre wärde. Ä Monet vorhär ischer dört im ne Heim für Schwärerziehbari usglehnt worde. In ganz Bärn hets drum ke einzige Chaste meh gä ! Weme jetz churz überschlaht, was das so chönnt kostet ha: Krattige – Winterthur retour si 440km, dä Wäg zwöimau git 880! Weme die zivile 2.20.- rächnet chunnt me uf 290 SFr (135l Disel). Vo angere Chöste ganz abgseh! Militär haut, mir heis locker gno unis ä gäbige Tag gmacht!

Ah, langsam fahts afa ahänke. Hocke widermau uf dr wach, Schlaf gits ersch morn Morge am 0800. Hoffentlech blibt ömu z’Wätter schön! Mis eigete Bett gsehni am Mittwuch wider,u i bi ungloublech froh. Ir ZSA isches mega äng und abgstange… Aber grundsätzlech isches erträglech, wirde o die letschte Wuche überstah Guet Nacht zäme, lötnech nid vor MP verwütsche

Ás isch nidmau so schlim winimers vorgsteut ha. Aber haut glich nid wie Ziviuläbe… Mir hei afa Zügs gfasset, si Army-like viu umegstange, u si sogar zumene Bierli cho. Positiv überrascht bini vom junge Kadi (Jg 81) wo churzerhand duzis gmacht het! Chapeau! Dr Fäudi würkt wiitus militärischer, aber das wird sech zeige. So, time2sleep, git öppe ä länge Wach-Tag morn… P.s. Nach dr erste Nacht: d Näster si dr Tod!

Hm. Chli Swing unes guets caramel macciato, das sött doch am Gmüet häufe. Warte im Starbucks Bärn ufe Bästu. Dr Schnee rüeft Erinnerige uf, wie sowieso fasch aues. Villech isch eh aues ä Troum, u in Würklechkeit ligi geng no im Iglu i mim Schlafsack. Weimers hoffe! Föht guet a mit dere churze Wuche!

Gschafft, die ersti Morgeshow vom neue Radio louft. Guets Gfüeu! Meh hinech mau!

Würum cha nid öppis eifach mau klappe? Öppis wome planet het, womesech freut druf? Mini Stimmig isch wie dusse: Grau oder sogar Räge. Haut chli so wìe äbe d Musig vor Frou Zelmani. Äs isch im Momänt gar nid liecht, aber d Jungs heimi gester tiptop abglänkt bimene coole Fium. Beschribig chunnt no! I däm Sinn, gniesset dr Momänt wener guet isch, äs git viu z hüfig z Gägeteu. BäyBäy!

Naja,wär jetz usstigt het eh mitem Läbe abgschlosse Stecke irgend imene Tunu z Oute,u dr Zug cha wäge unbekannte Problem nonid wiiterfahre. Eh,de wartemer haut…

Jede morge z gliche: Ä vougstopfte Zug mit Ougeringetragende Mönsche. Äs fliesst Caffee, mi ghört dr eint oder anger mp3-Player, u dä näbedran schnarchlet. Würum het no niemer ä Teleporter erfunge? Mi het im Zug viu z viu Zyt zum überlege u studiere! Enjoy the rainy tuesday.

A däm Puut wärde scho gli Moderatore vom neue ihri Stimme zum beste gä!

Iigrichtet isch zStudio aus wärs fürd’s Fernseh: Mac-like design, topmodern u abartig tüür. Aber mi leistet sech ja süsch nüt. Mitem Piratesänder vo damals het das nüm viu ztüe. U trotz viune Spilereie heisst dr Slogan “Radio nume für Erwachseni”; i bi nid trurig.

Ä müede Gruess usem Zug!

Z’ Gfüeu drbi: guet bis sehr guet. I ha auso guet agfange,d Lüüt si erwartigsgmäss cool, d Arbeit so wies usgseht spanned (Stichwort Radio1), u dr Arbeitsort ussert äs par (evt müehsame) ZH Trips geniau. Ändi Februar wird iz Kafihuus Nr.1 züglet (2. Stock), das wird ä türe Gspass

Churz: i bi zfride!